Innskráning í Karellen
news

Agaiðkun ❤️

18. 08. 2021

Næst komandi mánudag, 23. ágúst, hefst fyrsta lotan okkar í Kynjanámskránni eða agalotan.

  • Agalotan er fyrsta stig félagsþjálfunar og fer fram í ágúst-september.
  • Lykilhugtök lotunnar eru: virðing, hegðun, kurteisi, framkoma.
  • Uppskeruvikan er framkomuvika.
    R-reglurnar eru í hávegum hafðar í Hjallastefnustarfi; röð, regla og rútína í fyrirrúmi á öllum sviðum. Kjarnað umhverfi alls staðar, allir hlutir merktir, umferðarreglur merktar og sýnilegt og áþreifanlegt hvernig allt á að vera. Þaulhugsuð dagskrá og einfaldleiki í öllu skipulagi er jafnmikilvægt og umhverfiskjörnunin. Í kjarnastarfinu er síðan áherslan á skarpa nemendastjórnun með nákvæmri eftirfylgd og hegðunarreglum sem börnin taka þátt í að móta, kynna og endurskoða. Þjálfun í kurteisi og mannasiðum, æfing í að heilsast og kveðjast, borðsiðir og umgengni um fataklefa eru raunveruleikatengd verkefni í þessari lotu. Framkomuhæfni í kynjablöndun þarf að æfa sérstaklega. En almennt séð; því ekki að tala um hegðunarfræði og jafnvel gefa einkunn fyrir frammistöðu! Munum að æfa okkur líka því árangur barnanna ræðst af þeim aga sem við náum að sýna, til dæmis varðandi frágang, kyrrlátar raðir milli staða, stundvísi o.fl.

Samkvæmt hugmyndum Hjallastefnunnar er hugtakið agi og ögun einfaldlega að temja hið óendanlega sterka og máttúga frumafl sem öll börn koma með í farteskinu inn í heiminn, hinn guðdómlega vilja. Við notum hugtökin tamningu viljans eða heðgunarkennslu um þetta ferli en atferlismótun, þjálfun í framkomu og samskiptum og fjölmörg önnur hugtök eru til að lýsa sama ferli.

© 2016 - Karellen