Um Hnoðraholt

Leikskólinn Hnoðraholt opnaði í lok ágúst 2016 og er til húsa á Vífilsstöðum við Vífilsstaðaveg 123 í Garðabæ. Þar dvelja nú um 97 börn á aldrinum 12 mánaða til fjögurra ára.

Haustið 2019 var viðbygging tekin í notkun og er Hnoðraholt nú 6 kjarna leikskóli þar sem dvelja nú 97 börn á aldrinum 12 mánaða til 4 ára. Eftir 4 ára býðst Hnoðraholtsbörnunum að vera áfram á Vífilsstaðatorfunni og fara á 5 ára kjarna í Barnaskóla Hjallastefnunnar sem staðsettur er við hliðina á Hnoðraholti.

Fræðsluvefur Hjallastefnunnar

Á fræðsluvef Hjallastefnunnar er að finna nánari upplýsingar um Hjallastefnuskóla.

Hugmyndafræði

Hnoðraholt fylgir hugmyndafræði Hjallastefnunnar sem hefur verið í þróun og notkun í 25 ár. Jákvæðni, gleði og kærleikur eru grunngildin í allri okkar vinnu bæði gagnvart börnunum, foreldrum og starfsfólki. Minni áhersla er lögð á kynjaskiptingu hjá svo yngstu börnunum en mikil hjá þeim eldri. Stefnan er einnig þekkt og viðurkennd víða erlendis og þær rannsóknir sem gerðar hafa verið á starfi Hjallastefnuskóla sýna afar jákvæðar niðurstöður. Eins hafa viðhorfakannanir sýnt mikla ánægju hjá foreldrum með Hjallastefnustarf, allt frá 12 mánaða til 12 ára. Lesa nánar um meginreglur Hjallastefnunnar.

Leikefni

Leikefni eru fyrst og fremst úr náttúrulegum efnivið eins og meginreglur Hjallastefnunnar gera ráð fyrir. Hnoðraholt vinnur náið með Barnasmiðjunni að leikföngum sem hafa verið notuð á Norðurlöndum bæði á leikskólum sem og meðal sérfræðinga eins og sjúkraþjálfara til að örva hreyfigetu og þroska barna.

Matur er eldaður í fullbúnu eldhús þar sem matarstaðlar Hjallastefnunnar ráða för; matur unninn frá grunni án aukaefna og með fullu tilliti til allra séróska foreldra um fæðu. Þar má nefna séróskir um glúteinfrían eða laktósafrían mat.

Sími: 555-7810
Netfang: hnodraholt(hja)hjalli.is