Hvalir sem urðu að kakó ❤️

Grænikjarni fór í ævintýraferð til Hafnarfjarðar í vikunni með strætó. Við byrjuðum á að athuga hvort hvalirnir væru enn í höfninni, við gengum meðfram sjónum og kíktum svo í heimsókn í garðinn til Birnu vinkonu okkar þar sem við fengum okkur banana og heitt kakó. Á leiðinni til baka í strætó gengum við í gegnum Hellisgerði og vinkuðum hundinum hans Antons í glugganum. Við skemmtum okkur mjög vel og hlökkum til að fara í aðra ævintýraferð öll saman.