R-reglurnar: röð,regla og rútína ❤️

R-reglurnar; röð, regla og rútína

-

Nú eru skólarnir farnir af stað og eitt af því sem allir Hjallastefnuskólar hafa í hávegum um þessar mundir eru R-reglurnar

–

Börnum líður vel í reglusemi. R-reglurnar þrjár skapa daglegar venjur og eru einfaldlega röð, regla og rútína daglegs lífs. Góðar venjur skapa öruggt og fyrirsjáanlegt umhverfi fyrir börn.

_

Gott er að gefa börnum skýrar og einfaldar reglur sem segja þeim til hvers er ætlast og hvernig þau eiga að haga sér. Þar með hafa þau mælistiku á velgengni sína og öll vilja þau að sér takist vel til.

–

Ræðið venjur og reglur fjölskyldunnar því þær verða að vera sanngjarnar að mati allra í fjölskyldunni enda er reglusetning samvinnuverkefni. Venjur þarf að endurskoða og reglum má breyta.

–

Hjálpið barninu svo því takist vel upp í þessum jákvæða aga; þ.e. að geta fylgt venjum og reglum. Sú hæfni er undanfari sjálfstjórnar þegar barnið eldist og þroskast.

–

Vinnið að því að nánast öll hegðunarkennsla sé jákvæð og fyrirbyggjandi með góðum reglum, eftirfylgd og jákvæðri styrkingu; hrósi og umbun þegar vel gengur en forðist bönn, nöldur og skammir þegar mistök verða. Það má ruglast og það gengur bara betur næst.

-

Gangi okkur öllum vel